Die Departement Joernalistiek het onlangs saam met die Universiteit van Kaapstad die Internasionale Kommunikasie Vereniging (International Communication Association) se streekskonferensie in Afrika georganiseer. Prof Herman Wasserman van die Departement Joernalistiek was voorsitter van die plaaslike organiserende komitee, terwyl Dr. Gabriel Botma en Dr. Marenet Jordaan van die Departement ook op die komitee gedien het. Die konferensie, wat vanaf 16-18 November 2023 gehou is, is deur meer as 150 afgevaardigdes uit 19 lande bygewoon. Die tema was "Die De-sentrisering van Internasionale Kommunikasiestudies: Afrika-perspektiewe." Die hoofkonferensie is voorafgegaan deur 'n werkwinkel waar opkomende en gevestigde navorsers saam aan artikels gewerk het.
Dit was die vierde keer dat die ICA-streekskonferensie in Afrika plaasgevind het, na die eerste een in Nairobi, Kenia, in November 2016, en opeenvolgendes in Entebbe, Uganda, en Accra, Ghana. Die ICA 2023-konferensie in Kaapstad het voortgebou op die sosio-politiese en institusionele uitdagings wat in die vorige konferensies uitgelig is. Dit het ondersoek ingestel na Westerse invloede op die praktyk van kommunikasiestudies in werk en navorsing op die vasteland, asook oor die vasteland self.
Die konferensie is bygewoon deur drie voormalige ICA-presidente - Claes de Vreese (Universiteit van Amsterdam), Paula Gardner (McMaster Universiteit) en Francois Heinderyckx (Vrije Universiteit Brussel). Die huidige ICA-president, Professor Eun-Ju Lee (Seoul Nasionale Universiteit), 'n ander voormalige ICA-president, Noshir Contractor (Northwestern Universiteit), asook hoofde van streeksafdelings in Nigeri? en China, het die konferensie via videoskakels toegespreek. Sosiale geleenthede het 'n skemerkelkfunksie en 'n optrede deur die hip-hop kunstenaar Jitsvinger ingesluit, 'n galal-middagete met 'n optrede deur die US jazzorkes, en die bekendstelling van die boek Platforms, Power and Politics deur Bruce Mutsvairo, Ulrike Klinger en Daniel Kreiss.
Die derde en laaste dag van die konferensie is by die Stellenbosch Instituut vir Gevorderde Studie (STIAS) gehou, met die afsluitende toespraak gelewer deur Sorious Samura, 'n Emmy- en Peabody-bekroonde joernalis van Sierra Leone, wie se films Cry Freetown (2000) en Exodus from Africa (2001) insluit. Hy het die noodsaaklikheid van konteks as 'n voorwaarde vir betekenisskepping en empatie beklemtoon - 'n passende afsluiting vir die konferensie-tema.?
